Tsim Koj Cov Tswv Yim Tus Kheej thiab Tsev Neeg Kev Npaj rau Xwm Txheej Ceev
Cov ntaub ntawv muaj rau daim xaij no yog tsim los ntawm MERET (Minnesota Emergency Readiness Education & Training) uas muaj kev koom tes nrog rau lub Academic Health Center lub Office of Emergency Response thiab lub Department of Emergency Management nyob rau hauv University of Minnesota, uas tau tswv yim pab los ntawm lub Minnesota Department of Health. Cov ntaub ntawv no yog npaj nrog ib lub tswv yim tsim los mus cob qhia cov neeg tseem kawm kom lawv npaj tau tej hauj lwm rau hauv lawv cov zej zos. Txog hnub no, 115 tus kws kawm twb tau kawm tiav qhov kev cob qhia no lawm.
Peb tau txiav tej nqe lus qhia ntawm cov ntaub ntawv cob qhia coj los rau tib neeg tau siv.
7 Kauj Ruam Pab Kom Npaj Tau
Nqus daim ntawv muaj 7 kauj ruam
Peb piav txog xya kauj ruam hauv tus txheej txheem los mus npaj.
Nws muaj ntau cov ntawv uas sau txog cov khoom yuav tau npaj rau xwm txheej ceev, tab sis nws yog ib qho tseem ceeb uas sawv daws paub txog tias tsis muaj ib nplooj ntawv twg yuav piav tau txhua nrho cov khoom kom thwj rau txhua tus. Txhua tus tib neeg yuav tsum tau tsim ib daim ntawv thiab ib lub tswv yim uas yuav siv tau rau nws txoj hauj lwm.
Xya kauj ruam uas piav nram qab no yuav pab koj tsim ib zaj tswv yim los sib txuas lus thiab cov khoom siv. Nias cov ntawv no kom nqus tau cov ntawv fias thiab ntawv kuaj khoom.
Cov Khoom Hauv Tsev rau Xwm Txheej Ceev yog cov khoom uas koj yuav tsum muaj thiaj li nyob tau 2 lub lim tiam hauv tsev. Ob lub lim tiam mas tsuas yog qhov tsawg xwb – koj yuav tau txiav txim tias seb yuav tsum tau npaj kom kav ntev li cas (2 hnub? 2 hlis?).
Ib lub Thawv Khoom Siv muaj cov khoom uas koj yuav tsum muaj thiaj li nyob tau 3 hnub sab nraum vaj tsev (ib zaug ntxiv, qhov no tsuas ntsuas qhov tsawg xwb). Cov khoom no muab npaj cia rau hauv hnab ev khoom los sis taub yas khov kho uas koj muab tau yooj yim thaum koj yuav tawm qhov rooj mus.
Ib lub Thawv Khoom Siv rau Tsheb muaj cov khoom uas koj yuav tsum muaj rau hauv koj tsheb txhua lub sij hawm. Nco ntsoov txhob cia koj lub tsheb muaj tsawg dua ib nrab roj tsheb.
Kauj ruam 1: Nqus ib daim ntawv Sib Txuas Lus Thaum Muaj Xwm Txheej Ceev
Koj yuav tsum npaj ib lub tswv yim los mus txuas lus nrog tsev neeg, phooj ywg, thiab cov nyob ze thaum uas muaj ib qho xwm txheej ceev. Koj yuav tsum tham nrog txhua tus uas muaj npe nyob hauv daim ntawv qhia cov neeg yuav los sib txuas lus kom los npaj ib lub tswv yim ua ke, kom txhua tus paub txog tias yuav ua li cas thaum muaj ib hom xwm txheej ceev twg (piv txwv, muaj tej lub sij hawm uas koj yuav tau nyob hauv tsev, thiab muaj tej sij hawm uas koj yuav tau tawm lub zos mus).
Thiab koj nqus tau ib daim Pib Sau Npe thiab Xov Tooj Xwm Txheej Ceevuas koj luam tau, sau tau, txiav tawm, thiab muab cia rau hauv koj lub hnab kaus paus los sis koj tus menyuam lub hnab ev ntawv.
Kauj ruam 2: Nqus daim ntawv Npaj Ib Hnub Hauv Kuv Lub Neej
Qhov no sau qhia txog cov kev ua thiab cov khoom uas koj siv thaum koj ua cov hauj lwm no. Nws yog siv los pab kom koj paub tias cov khoom twg yog cov koj yuav tsum muaj kom thiaj li npaj tau yam yuav siv thaum muaj xwm txheej (tshuaj, zaub rau tsiaj yug, lwm yam). Daim ntawv no tsuas sau txog ¿ib hnub xwb¿ – koj yuav tsum ua zoo xav txog cov khoom uas koj siv rau hauv ib lim tiam, cov hnub so, thiab raws tej caij uas koj yuav siv khoom. Txhua tus neeg hauv koj tsev yuav tsum tau paub txog nws cov khoom siv.
Kauj ruam 3: Nqus ib daim ntawv Teev Cov Khoom Siv
Daim ntawv no sau cov khoom yuav siv thaum muaj xwm txheej ceev uas pab nrog koj xaiv khoom npaj. Ntxiv cov khoom uas koj xaiv hauv daim ntawv Npaj Ib Hnub Hauv Kuv Lub Neej nrog rau daim ntawv kuaj khoom no. Daim ntawv no yuav qhia rau koj paub tias cov khoom twg yog cov koj twb muaj lawm hos tshuav cov twg yog cov koj yuav tau mus npaj.
Koj nqus tau ib daim ntawv Teev Cov Khoom Siv los ua thiab.
Nqus ib daim ntawv Cov Khoom No Yog Dab tsi? Daim ntawv no qhia txog cov khoom uas tsis tshua paub zoo hauv daim Khoom Siv.
Kauj ruam 4: Npaj Koj Cov Khoom Siv rau Xwm Txheej Ceev hauv Tsev
Npaj cov khoom uas koj khij rau hauv daim ntawv Teev Cov Khoom Siv. Coob tus neeg mas kuj nyuaj ua ib zaug npaj tas nrho cov khoom siv – tiam sis, lawv maj mam mus npaj ib qho khoom zuj zus thaum lawv mus ncaj tim taj laj yuav khoom. Nws tseem ceeb uas koj yuav tsum npaj ntxov thiaj li npaj tau cov khoom siv.
Nws muaj ntau txoj kev los mus npaj khoom. Ib txhia neeg mas kuj npaj tau khoom ntau los cia rau lawv tej qab tsev. Zaj tswv yim npaj no mas nws yuav kom koj ua zoo kuaj tias cov caij tas sij hawm yog thaum twg.
Lwm zaj tswv yim yog FIFO: First-In-First-Out, yog zaj uas koj npaj cov khoom siv thaum muaj xwm txheej ceev nrog rau cov khoom koj nquag siv thiab siv txhua hnub. Thaum koj yuav khoom tshiab, muab lawv tso rau nram qub qab kom koj thiaj li xub siv cov khoom qub tas mam siv cov tshiab. Zaj tswv yim no thiaj li pab kom khoom txhob tas sij hawm los sis lwj ua ntej uas koj tau siv.
Kauj ruam 5: Nqus ib daim ntawv kuaj Thawv Khoom Siv
Ib Thawv Khoom Siv yog muaj cov khoom uas koj yuav siv uas kav 3 hnub. Cov khoom no yuav tsum muab cia rau hauv ib lub hnab ev khoom los sis ib lub taub yas khov kho npaj tiav tiav kom nqa kiag tau yog yuav tawm rooj mus.
Kuaj daim ntawv npaj Thawv Khoom Siv thiab ntxiv cov khoom hauv daim ntawv Teev Cov Khoom Thaum Muaj Xwm Txheej, npaj cia rau hauv koj Thawv Khoom Siv.
Kauj ruam 6: Nqus ib daim ntawv Thawv Khoom Npaj rau Tsheb
Thawv Khoom Siv rau Tsheb yuav tsum tso rau hauv tsheb txhua lub sij hawm npaj rau thaum muaj xwm txheej tom kev. Yuav tsum muab nws tso rau hauv ib lub hnab ev ntawv los sis ib lub taub yas khov kho.
Kuaj daim ntawv npaj Thawv Khoom Siv rau Tsheb thiab ntxiv cov khoom hauv daim ntawv Teev Cov Khoom Thaum Muaj Xwm Txheej, npaj cia rau hauv koj Thawv Khoom Siv rau Tsheb.
Kauj ruam 7: Nqus ib daim ntawv Taug Khoom Npaj
Koj yuav tsum npaj ib daim ntawv sau qhia tias koj cov khoom (tias muaj pes tsawg qhov) thiab tas sij hawm rau thaum twg. Tsim ib zaj tswv yim los kuaj ntshis cov khoom no – piv txwv tias, xyuas tias kom koj cov roj teeb yeej sam puv tas li.
Kev Pab Ntxiv
Muaj kev pab ntxiv los pab kom koj thiaj li npaj tiav.